Scholden häht? Fiffondätteg Millionen! Dat mosse dej ess vörstellen! On wenn et ehne Million wör, köss onserehner dat sek doch all niet vörstellen. Onserehner. Dat es denn Mann on die Frau vanne Stroht, denn Durchschnittsbürger üt die öldere Generation, die Menssen üt die guijje, olle Tidt, ess alles noch en bättchen geregelter on ontleker tugeng ess van Dag. Ess die Blagen noch Schollärbeiten maken mossen, ess inne Scholl noch Diktate on Aufsätze geschrewen wonnen, ess me noch de Fuht oder met et Rad nohr de School gekommen es on niet met en Schulbus oder met Papas oder Mamas Auto wie van Dag. Dat wor die Tidt, ess noch alles besennleker on beschauleker wor. Tu denn Tidt wor de Sparkass bej ons int Dörp ehn van die zuverlässigste Platzen, die me sek vörstellen koss. On met dat Gefühl es me opgewassen on grot gewonnen. On van Dag? Dat Personal bej ons int Dörp kann jo ok nex dortu, dat onse Sparkass fiffondätteg Millionen Scholden häht, send jo alles ganz nette on sympathesche Mannslüij on Fraulüij. Die treck ek dann all well ess op, wenn ek mej hondert Euro fört Inkopen affhalen well on frohg: Geht dat noch, dat ek die ütbetallt krieg oder sall ek se ou liewer spenden, dormet gej wehr op de Been kommt? Dann send se mej ömmer ganz dankbar för so völl Verständnis on meinen, dat geng well noch so äwes met die hondert Euro. Ek wätt jo ok ganz genau, dat alles wehr inne Riehg kömmt met de Tidt. Ek wätt well niet wie on kann bloß hoffen, dat wej braven Steuerzahler dor nex met de duhn hämmen. Aber üt de Kopp kriggen kamme denn Krom doch so gau niet on begrippen sowieso niet. Wej mötten et ess affwachen. Na ja.

KARL NEUKÖTHER (STELTEN KARL)