Onger Ons Jesaht Kö - Ahoi!

Düsseldorf · Butickebesitzer von de Kö hannt sech zosammejedonn on öwerläht, wie mr ons Strunzbullewar noch attracktiewer mäkt, endäm mr de Kö em helle Jlanz erstrahle lösst, besönders nachts wenn et fies düster es. Wenn dann so e Kö-Kreppke sech ene innovatiewe on kreatiewe Deu aandeht, kannste bloß staune , wat dobei eruskütt.

En Illuminazzijohn för dä Kö-Jrawe mosst et sin, on doför jow et ene janze Pöngel von Enfäll, wobei een Idee noch doller als de angere jewäse es: Lämpkes onger Wasser odder Lechterbänk wie em Hoffjahde. Äwer eenem von denne Schlauköpp moss dann e janz hell Lecht opjejange sin, dä Jeistesbletz för en Illuminazzijohn öwerhaups! On dat wor - wie dä Name als säht - dat Hailait! Lommer doch ons Kö nachts optakele met enem Lechterböötche op'm Wasser! Nä, wat för en orijinell- jeniale Idee!

Jetz deht mech doch jrad dat alde Karnevalsmotto enfalle: "Düsseldorf mäkt sech fein!" Nä, jank mech fott! Met so'nem Kitsch-Kahn brucht sech doch ons Kö nit staats make zo losse! So e jrell Lampejedöns wöhd däm Kö-Jrawe bloß verschängeleere, on däm si Fläir jeng trek flöte. Wat von Huus us schön es, hät et nit nödech, op Düwel komm erus odder Tourest komm erin, opjebrasselt zo wähde.

Wie emmer wenn et öm jet Neues jeht, jöwt et aan de Düssel Pro on Contra! Wenn ons Jan Wellem hütt noch am rejeere wör, wöhd hä jlatt en janze Armada von Lechterböötches op'm Kö-Jrawe erömdümpele losse, dä alde Strunzebühdel!

(RP)
Meistgelesen
Neueste Artikel
Zum Thema
Aus dem Ressort