Onger Ons Jesaht Lott jonn - Let's go
Düsseldorf · Nä, nä, ech kann nimmieh! Au weia, sorry! No, no, I cannot more! So moss dat jo jetz heeße. Denn nu soll hee öwerall nix wie Englesch jesproche wähde, on dat op Düwel komm erus, also op devel come out.... and in!
En de Bürros von ons Stadtverwaltong on em Rothuus - wo et nit bloß langweilech lokal zojeht, nä, jlobal worldwide wie en enem internazzijohnale Lade - soll mr sech nu op Englesch de Arjumente aan dr Kopp schmieße. Häste dat Jlöck, kinne Politicker zo sin, beste bloß als kleene Biamte odder Aanjestellde op'm Amp am brassele, sollste dech nu ene englesche Deu aandonn. Äwer nit em eenfache Kitchen-Englesch! No, please em piekfeine Oxford-Englesch vom Themsen-Lizzy ussem Backinghäm-Päläss. Häste von dinnem Bürro-Brassel de Nas voll, kannste dann nimmieh op Rheinesch kühme: Nä, jank mech fott! Nit met mech! Ech loss jetz dä Jriffel falle! Adschüss! No, no, dat moss nu heeße: Go me off! Not with me! Now I let my pencil drop! Bye-bye!
Wat sähste nu? Nohdäm mer hee all als lang bloß noch em Sale shoppe jonnt, ons dä coffee-to-go em Loope erintrecke on am Telefon de line am holde send, moss mr sech jetz och noch us sinnem jemötlech rheinesche Life-style ene stressije Business-style make! Lott jonn, dommer dat! Let's go! Yes, we can! Von nix kütt nix! From nothing comes nothing! Odder meenste, mi Top- Englesch hädden noch e Make-up nödech?
MONIKA VOSS
