| 00.00 Uhr

Heukeshowwer Platt
De Majestät moch ehnen Plattenkaal mettdrenken

Hückeswagen. Heukeshowwen (rt) Dä Wellem wohr jo ahnfangs märr bloß Könnech. Hä wu'ete ierter Kaiser, wie dä Otto vann Bismarck änn dann emm Speijelsaal vann Wersal'je tamm Kaiser uttjeraupen hadde. Datt wettend, wänn ätt enn de School jodd oppjepasst hävvt. Dä Schauhmäcker Budde vann Wiehaaren wohr emm Kreich Sewwenzech/Ehnensewwenzech als Düsseldörper Ulan dobiejewässt. Nu wohr hä äwwer Vetteraan. Wie hä hoorde, datt dä Kaiser dänn Düsseldörpern enn Beseuk affstatten wullte unn et sullte enn jroote Parrade opp dänn Rheinwes'n si'en, wullte hä pattuu noch enns sinnen Kaiser kicken.

Hä nohm vörrsechtshalwer sinne Dochter Hulda mett. Se hadden seck mett ehren Hämdsmauen janz donn bess vüüren am Äng gedrängt. Twee Stonden hadde sinne Majestät opp seck waahren lotten. Dann wohr hä mett dämm janzen Tross ho te Peerd ahnjeri'en jekummen.

Dä Budde hadde alt jemärkt, datt dä Kaiser änn utt twöntech Meter Äntfärnong alt emm Ooch jehadd hadde. Wie hä bi ämm wohr, woohr hä opp dänn Budde taujejangen unn hadde jefrocht: "Seid Ihr nicht der Ulan Budde aus der Schlacht von Marslatour?" Dä Budde hadde de Hank ahn de Kappe jedohen unn ongertänechst jesacht: "Jawoll, Majestät! Das erlaube ich mir, zu sein!" Dann hadde Seine Majestät jefrocht, weckerm dann datt staatze Wecht jehöörde. "Datt ess" - hä wohr enn Heukeshowwer Platt jero'en - "minne Dochter Hulda". Dä Budde hadde dann steckum datt Hulda ahnjestooten unn förr ätt jeflöstert: "Krie enns dänn Plattenkaal utt de Täsche unn lott de Majestät enns drenken." Enn Schlock sall dä Wellem seck jenehmicht häwwen. Hä hadde noch jefrocht, wodänn dä Ulan Budde köm. "Aus Hückeswagen." "Das ist doch die Stadt, wo die feinen Ulanenstoffe gewebt werden." "Jawoll, Majestät!"

Wie dä Pappa unn datt Hulda sech no dämm ereichnesricken Dach emm "Justhoff" tamm Abschloss ehnen jenommen hadden, moch hä förr die janze Corona do noch enns die "Storrie" vertällen. Dä ahl Kaal hadde jesacht: "Datt jlöww eck nech. Datt sall woll all jelorren si'en." Do hadde datt Hulda äwwer jesacht: "Minn Pappa hätt sinn Läwen noch nech jelorren." Dä Kaal meinde märr bloß: "Dann ess datt hütt enn Uraufführong!"

Quelle: RP
Diskussion
Ihre Meinung zum Thema ist gefragt

Schreiben Sie jetzt Ihre Meinung zu:

Heukeshowwer Platt: De Majestät moch ehnen Plattenkaal mettdrenken


Beachten Sie dabei bitte unsere Regeln für Leserkommentare.