Heukeshowwer Platt Dreimol ratsch donäwwer jeschotten
Hückeswagen · Heukeshowwen Enn dänn ierschden Johren vamm vörrjen Johrhungert ess völl vann dä Heukeshower Jeschechte verdummdüwelt wuhren. Öwwer datt Wappen mett dämm halwen Löwen unn dämm Wäwwerschepp wu'eten noch enn paar Muuren jesatt. De Jaumänner särren jo ,Zinnen' doförr. Offwoll - jederehner weet, datt Heukeshowwen nie enn Mu'er ömm seck römm jehatt hadde. Nech alleen datt. Utt dämm janz ahlen ,Vorrelsbärch' madden die Klandiesen dänn ,Fürstenbärch'. Se wullten pattuu Heukeshowwen oppwerten. Worömm, datt weet dä Düüwel.
Heukeshowwen Enn dänn ierschden Johren vamm vörrjen Johrhungert ess völl vann dä Heukeshower Jeschechte verdummdüwelt wuhren. Öwwer datt Wappen mett dämm halwen Löwen unn dämm Wäwwerschepp wu'eten noch enn paar Muuren jesatt. De Jaumänner särren jo ,Zinnen' doförr. Offwoll - jederehner weet, datt Heukeshowwen nie enn Mu'er ömm seck römm jehatt hadde. Nech alleen datt. Utt dämm janz ahlen ,Vorrelsbärch' madden die Klandiesen dänn ,Fürstenbärch'. Se wullten pattuu Heukeshowwen oppwerten. Worömm, datt weet dä Düüwel.
Nu hävve jo wi'er Schöttenfäst. Wellve hoppen, daddet am Mondach nech so jeht, wie dösse Wecke ahn Hämmern, wo se ömmsönns enn neujen Könnech jesocht hadden. Ett wöhr doch jelacht, wännet hie nech ehnen jöw, dä jenoch Zielwater jedrunken hödde, domett de jräune Monnarchie pol heil.
Emm Johr achti'enhungertnerrensächzech hadden de Heukes-howwer Schötten äwwer ock Maläsden domett, datt kinner dänn Vorrel vann de Stang hollen wullte. Emm lätzden Oorenbleck hadde seck dann äwwer römmjekallt, datt dä Justav Reuwenstrunk enn de Lotterie meddem Vi'elslos ruttjekummen wohr: tweeduusendfiffhungert Joldmaak.
Dä Justav wohr emmer enn Schötte emm lätzden Jlied jewässt, äwwer nu stung hä ho emm Kurs. Dä Böwwerschte vann dänn Schötten wohr domols dä Au'os Winkel. Hä sache: "Dämm Justav sallve woll vann sinnen Pännekern affhölpen. Hä mott Könnech weehren!"
Nu hadde dä Justav äwwer enn jräunen Star opp dänn Ooren unn kunnte opp dä Muskete kinne Kimme unn kinn Ko'en kicken. Twee Mann häwwen ämm de Muskete enn de rechteje Rechtong jehaalen. Ett nötzde nix: Hä schodde dreimol donäwwer. Dä Vorrel bewächde seck nech. Dann hadde seck dä Otto Engels äwwer doch breet schlaren lotten. Hä hadde mett ,jeballter Ladung' datt janze Jedretten vann de Stang jehollt. Nu wüürt äwwer vertaalt, dä Justav hödde seck nech lumpen lotten unn drei Ronden Kloren förr die janze Kompanie sprengen lotten. Die ,Ehrendamen' hödden jenausovöll ,Seuten' jekrärren.
Datt wohr datt Johr jewässt, wo dä "Bäddelpasstuur" Peter Jiesen seck datt Spellwerk ahnjekecken hadde. Hä hadde dänn Müürer Ewald Jissekus jefrocht: "Watt ess dä Ungerscheed töscher dämm Könnech unn dämm Schöttenkönnech?" Dä hadde datt nech jewosst. "Dann well eck ett Di särren. Wänn dä Könnech kütt, dann heddet: ,Da kommt er!' Wänn dä Schöttenkönnech kütt, dann heddet: ,Do kummen se mett ämm jetrocken!"
