Heukeshowwer Plattkaller Säss Färken enn de Wüpper jedrewwen

Hückeswagen · hückeswagen Nä, datt mott me särren, Fasselowend wohr wi'er rongsrömm nätt. Ett We'er hätt mettjespellt. De Mossek-Kapäll ock. Sovöll Klümpe, wie dett Johr send kuum noch jeschmetten wuhren. De Blaren hadden ehre Tütten kanaaten voll. Dodrenn loch all datt, waddet freuher mols opp Mierten jow. Blautwu'escht, Pläzzcher, Raddier-Jummis, Bunkstefde unn Aftersche'iw tamm Ennriewen. Ock, die mett dämm janzen Kröm nex te dau'en häwwen wöllen, häwwen jo nu ehre Rauh emm Stätt. Sewwen Wäcken kinne Pippe roken, sewwen Wäcken kinnen drenken unn oppassen, datt emm Haustensaft kinne Prozänte drenn send, sewwen Wäcken kinn Fleesch ätten. Äwwer, datt jeht doch nech. Vie mötten doch onse Mätzjer am Frätten haalen. Dä Passtuur hadde vann de Kanzel utt vertaalt, watt me all enn dä Fasdentitt nech ätten sullte: "Bloß noch datt, watt schwemmt!" Do hadde dä Caal vamm Waidmatt, Mätzjermeester vann Jottes Jnaden, säss Färken enn de Wüpper jedrewwen, se dänn Freischwimmer maaken lotten unn dono tau Frikkassee jematt. Dann hadde hä enn Ämmer Kroten-Saft (Rote Bete/Anm.d. Red.) dröwwer jeschutt unn dann als Stipp verkofft. Vertaalt wüürt, ett wöhr sinn Läwen noch nech sovöll Stipp jejätten wuhren, wie enn dämm Johr.

hückeswagen Nä, datt mott me särren, Fasselowend wohr wi'er rongsrömm nätt. Ett We'er hätt mettjespellt. De Mossek-Kapäll ock. Sovöll Klümpe, wie dett Johr send kuum noch jeschmetten wuhren. De Blaren hadden ehre Tütten kanaaten voll. Dodrenn loch all datt, waddet freuher mols opp Mierten jow. Blautwu'escht, Pläzzcher, Raddier-Jummis, Bunkstefde unn Aftersche'iw tamm Ennriewen. Ock, die mett dämm janzen Kröm nex te dau'en häwwen wöllen, häwwen jo nu ehre Rauh emm Stätt. Sewwen Wäcken kinne Pippe roken, sewwen Wäcken kinnen drenken unn oppassen, datt emm Haustensaft kinne Prozänte drenn send, sewwen Wäcken kinn Fleesch ätten. Äwwer, datt jeht doch nech. Vie mötten doch onse Mätzjer am Frätten haalen. Dä Passtuur hadde vann de Kanzel utt vertaalt, watt me all enn dä Fasdentitt nech ätten sullte: "Bloß noch datt, watt schwemmt!" Do hadde dä Caal vamm Waidmatt, Mätzjermeester vann Jottes Jnaden, säss Färken enn de Wüpper jedrewwen, se dänn Freischwimmer maaken lotten unn dono tau Frikkassee jematt. Dann hadde hä enn Ämmer Kroten-Saft (Rote Bete/Anm.d. Red.) dröwwer jeschutt unn dann als Stipp verkofft. Vertaalt wüürt, ett wöhr sinn Läwen noch nech sovöll Stipp jejätten wuhren, wie enn dämm Johr.

Am Dunnerschdach stungen se vörr dämm Fesch-Laden obbem Wäckenmatt Schlange. Datt Juss vamm "Kickömm" frochde dänn ehnen vann dänn twee Verkööpern: "Iss dä Kabbeljau ock fresch?" Do sache hä enn jebrockenem Dütsch, weil, hä ess nech vann hie: "Dä iss so frisch, frischer jeht nech! Eine Mund-zu-Mund-Beatmung, unn hä schwimmt wieder!" Datt Juss nohm twee Punk, weil, vann Mund-zu Mund- Beatmung do versteht ätt watt. Dä Angelsport-Verein hadde alt lang ehnen opp dämm Kicker, dä mols mett dä Angel ahn de Vörrsperre sot, unn kinnen Angelschien hadde. "Dämm wöllve hölpen!" sachen se. Do hadde hä wi'er jesätten unn trok jraad enn decken Fesch rutt. Dann schnappden se seck änn unn kecken dösech utt de Wäsche, wie se soren, datt hä enn Saalthereng am Hoken hadde. Hä sache: "Watt wöllen Ätt dann, Ätt Pimöcke, friedachs jöddet bi ons Saalthereng. Dann schickt meck minne Frau mols, eck söllte die enns ierter äntwässern!" Die "mett Angelschien" troken schlee aff. Bi all dämm Fesch, dä nu sewwen Wäcken lang opp ons tau kütt, do mottme bloß kicken, dattme kinnen Skorbut krett. Alt enns ierter enn Zwieback totöscher ätten!

(rt)
Meistgelesen
Neueste Artikel
Zum Thema
Aus dem Ressort