Dä Albätt hadde seck enn dä ierschden Titt watt schwor mett dämm verhundsden Jekäll dohengen jedohen, wovann de Lüh meinden, datt wöhr Englesch jewässt. Dä Albätt moch enn Milwookie noch enn de sewwende unn achde Klasse. Dä Schoolmeester hadde jesacht: "Mett dämm Änglesch vann Oxford unn Cämmbritsch kummet hie nech wiet. Dauent Enk enn Kaujummi enn de Muhl, unn dann möttent kallen. Watt dobie rutt kütt, ess datt, womett Ätt hie terächte kummen."

Nu wohr dä Albätt no all dänn Johren enns wi'er enn Heukeshowwen. Hä hadde als Bäckermeester vann Stutten unn Schwabbrot dohengen völl Jäld jematt unn wullte nu emm "Justhoff" dänn Räst vann dä Famillich traktieren. Wie hä alt renn kom, hadde hä förr dänn Wi'et jesacht: "Walter, all datt, watt hie hütt Owend jesoppen unn jefrätten wüürt, jeht opp minne Kappe!" Dä Walter sache: "Auf Ihre Rechnung?" "Datt särr eck jo! Dau doch nech so, als künntesse kinn Heukeshowwer Platt mä! Vie häwwen doch förr foffzech Johren tesaamen enn ehn Lock jepinkelt."

Dann wohr hä enn de Wi'etschaft ungen ennjekummen unn hadde jesacht: "Watt häwwen Ätt enn sieje Bönn hie." Do woßdde ock kuum noch ehner watt mett ahntefangen. Datt klein Beatchen woßdet: "Der Onkel aus Ammereka meinte: ,Was habt Ihr hier eine niedrige Decke?'." "Kink, Du verstehs meck", hadde dä Albätt seck römmjedreiht. "Wo böss Du dann enn de School jejangen?" "Bimm Franz Schmitz unn bimm Pitter Jrooß." "No dann jöddet mie kinn Wonder." Do meschde seck datt Lisbätt enn: "Jo, mett dä Kultur enn Heukeshowwen esset arrech retuur jejangen." Dä Albätt kecke vörr seck unn dachde: "Datt mott datt Lisbätt jraad särren, datt ess noch jenau dattsälwe Schladerdier wie domols. Kinn Wonder, dämm sinne Ahl wohr alt emmer sonne rechteje Heukeshowwer Tüttelfott."

Datt hödde märr reulech laut särren künnen. Mett "Schladerdier" unn "Tüttelfott" hödde soweso kinner watt ahntefangen jewoßt. Dann wullte dä Albätt dann we'en, off ett datt Marijenhospitall noch jöw. "Nä, alt lang nech mä, seit die Nönnecher nech mä do si'en." Do meinde dä Albätt: "Eck kunnte mi nech die frommen Namen vann dänn Söstern do owwen märken. Förr die Twee enn de Köcke sach ve mols ,Eerpelsmina' unn förr die angere ,Fizzebonia'. Unn - kanaaten Dunnerkeil, do mott eck utt Ammereka kummen, ömm Enk datt ahle Heukeshowwer Platt te liehren. . ."