Heukeshowwer Plattkaller Wie dämm Siffrit sinne Mauen ennleipen

Hückeswagen · hückeswagen Sövve doch enns janz ehrlech si'en: So mannechmol, wie mannechehner mols sätt, hävve kein witte Chreßdach jehatt. Jedes Johr dattsälwe Jekäll. De Lüh sullten enn dänn Kaländer kicken. Ess opp Chreßdach Vollmond, künntet jo doch si'en, datt die ehne oder die angere Flocke raff kütt. Watt äwwer enn Heukeshowwen de Rärrel wohr, datt wohr datt Chreßdachshohwater töscher dä Schlacht bunger de Au unn de Schnabelsmöll. Dann mochen se mols emm Hilds Hüss'chen obbet Daak klimmen.

hückeswagen Sövve doch enns janz ehrlech si'en: So mannechmol, wie mannechehner mols sätt, hävve kein witte Chreßdach jehatt. Jedes Johr dattsälwe Jekäll. De Lüh sullten enn dänn Kaländer kicken. Ess opp Chreßdach Vollmond, künntet jo doch si'en, datt die ehne oder die angere Flocke raff kütt. Watt äwwer enn Heukeshowwen de Rärrel wohr, datt wohr datt Chreßdachshohwater töscher dä Schlacht bunger de Au unn de Schnabelsmöll. Dann mochen se mols emm Hilds Hüss'chen obbet Daak klimmen.

Enn dänn sässzejer unn sewwenzejer Johren hadde dä "Kleider Müller" vann Wippfürth sinne Ke'erls-Ahnzoch-Super-Billich-Titt. Dä Heinz, enn Jong vann minnem Vader sinnem Vädder, wohr emm Müller sinnem Laden hinger dämm Wippfürth'schen Matt Verkööper. Hä reip mols ahn: "Vie häwwen wi'er enn Riesenposden Ahnzöje, Juppen unn twee Buxen dobie, rennjekrärren. Datt Stöck förr fiewensächzech Maak! Wellste ehnen häwwen? Dinne Mote hävve jo." "Eck nämm drei Stöck, ehnen mett Strippen, ehnen enn ,Glännschäck' unn enn jries-ünnie." So jeng datt domols.

Nu fröcht me seck, watt dä "Kleider-Müller" mett dämm Heukes-howwer Hohwater te dauen hätt. Datt well eck Enk särren. Ett wohr twedden Chreßdach jewässt. Dä Hans-Werner, dä Rolf unn dä Siffrit hollden bimm Bäcker Lüttjenau ahn de Peterstrote enn ahle Badewann uddem Käller, sadden seck drenn, nomen twee ahle Brotschuuwer tamm Paddeln unn paddelden öwwer datt Wüpper-Hohwater. Datt jeng solang jodd, bess datt die Badewann, datt "Küwen", ömmkeppde unn die Drei meddem Hengerschen klatsch emm Water loren. Datt wöhr jo nech janz so schlemm jewässt, wänn nech dä Siffrit sinnen neujen Chreßdachsahnzoch vamm "Kleider Müller" ahnjehatt hödde.

Drietnaat kroppen die Drei ahn Lank. Dä Siffrit hadde Schiss vörr teheem. "Watt meinen Ätt woll, watt teheem am Jang ess, wänn eck mett dämm drietnaaten, neujen Ahnzoch heem kumm?", sache hä " Dä Rolf woßde Rot: "Kumm, ställ Deck bi ons vörr dänn Backowwen emm Backes, dann drücht dä Ahnzoch flott wi'er."

Datt sall jeklappt häwwen, wie dä Hans-Werner vertaalde. Bloß, wie dä Siffrit de Juppe wi'er drüüch ahndä, wohren de Mauen ti'en Zäntimeter kötter jewässt. De Buxenpippen wohren bess öwwer dänn Knöckel jejangen. Watt liehrt ons datt? De Wippfürth'schen Klamotten eichnen seck nech förret Heukeshowwer Chreßdachshohwater!

(rt)
Meistgelesen
Neueste Artikel
Zum Thema
Aus dem Ressort