| 00.00 Uhr

Heukeshowwer Platt
Wolbern mett Flörreln obbem Pannekauken

Hückeswagen. Heukeshowwen (rt) Wie dä Kurt-Hujo Stöcker enn de Kölner Strote noch sinne Drojerie hadde, bruckden de Heukeshowwer nech alle Oorenblecks nomm Dokter te loopen. Enn sinnen Schöttern unn Fläschchern wohr all datt, watt me jäjen Hausden unn Schnubben bruckde unn watt obbem Fläck bi Hals- unn Rüjjenpien holpe. Hä hadde soja Meddel jähn ennjewaaßene Teewen tamm Drenken, Ennschnuuwen, Ennschmeeren, Droppdauen. Nu ess die Drojerie mett all dämm Salmijakjeist, Borax, Alaun, Jlizzerin, Wittrijol unn Waterstoffsupperokzüd, mett all dämm Krutt, watt jähn alle "Wehwehcher" jewaaßen ess, no Linkeln ennet Musejum jejangen.

Watt meck emm Orenbleck am meesden ärcht, ess, dattme enn Heukeshowwen dänn kläwwerejen Strippen jähn de lästejen Fleijen nech mä krett. Ock bimm Äntner unn bim Zörner kunnte me dänn noch kriejen. Äwwer nu? Brötcher kamme jo hööpewies häwwen. Äwwer sowatt nech.

Schlemm send jo die Fruchtfleijen. Ock ehne decke Fleich emm Schlopzemmer kann di mehr opp dänn Närw johen, wie enn janzen Schwam, dä seck freuher opp dämm Tällerrank vamm Hawerflockenbreihenn sadde.

Do fällt mi wi'er datt enn, watt dä Willi Bewwer mols vertaalte. Sinne Frau hadde hööpewies Pannekauken jebacken, die enn de Wi'etschaft obbem Desch unger dämm Finsterboort jestangen hadden. Enn Jast, dä nech utt Heukeshowwen jewässt wohr, hadde jefrocht, off hä nech sonnen läckeren Wolbernkauken häwwen künnte. "Watt förren Wolbernkauken?", hadde dä Willi jesacht. "Dä do hengen!" Do Hadde dä Willi mett sinnen Hämdsmauen Wink jematt unn ". . .sch!" jesacht. Do wohren säss Dotzend schwatte Fleijen vamm Pannekauken oppjeflorren. Wie dä Jast flott sinnen Kloren betaalt hadde, wohren die "Wolbern mett Flörreln" wi'er do.

Dä Kurt-Hujo Stöcker hadde ock enn "probat Mittel" jähn Fleijen: "Am bäsden hölpt Kalkmilk mett Wäscheblau. Unn datt opp de Finstern stricken." Nu kunnte me jo wählen töscher blo'en Finstern oder emm Schwam Fleijen opp dämm Pannekauken. Die Heukeshowwer Ahnstricker schworen jo mehr opp "Lorbeer-Öl" enn de Farw meschen, datt hödden de Fleijen nech so jehen. Dä Äntner meinde jo, me söllte jenuch Rizinus enn de Blaumenpötte schödden. Wännet äwwer dänn Tierschötzern nojeht, söllte me se lotten - emm Härw wöhren se sowieso fott. Unn de "Eintags"-Fleijen noch flötter.

Quelle: RP
Diskussion
Ihre Meinung zum Thema ist gefragt

Schreiben Sie jetzt Ihre Meinung zu:

Heukeshowwer Platt: Wolbern mett Flörreln obbem Pannekauken


Beachten Sie dabei bitte unsere Regeln für Leserkommentare.