Op Oedingsch Möschevertell om Ejelsberj
Krefeld · Enne Stalp Schruppe sooet för enne Hoop Päedsköttels. "Schilp, Schilp" flödde Schruppmanes, "die Köttels send och net mehr dat, wat se enns wore!" Schrupplötsch hatt angere Sorje als de leesche Vertell över Päedsköttels. "Jewess, jewess", reep de Krüz-Kekkert van de Waterkull, "dat Päedsköeteledöns jeeht mech och op de Nerve. Dat soll hei doch Naturschotzjebiet sinn."
"Halt Do Dech dodruut" pippde Schruppmimm, en janz alde Mösch. "Do häss Waater jenoch, on wenn do de Hals net voll kress, dann kanns och en de Matsch römpaddele, dä die Tommies hengerloote hant! Överhaupts, wat soll die Quiddelei? Et jöwt Schlemmeres! Wat solle dann de seldene Plante hei saare? Die hant et noch völl schwörder als wie wir. Wenn die Buurelömmels hei met de Motoräär querfeldbeet karjeere, blivt do keene Halm mer stohn. Över die Droohtäsels on Jogger well ech mech janit utloote. Füürkes wäde hei mannij kehr ens so effkes anjestooke, die Höng pinkele on kacke och, wo se wolle; , van de Rieers well ech janet kalle, die loote wenistens noch Köttels hei!"
"Dat schlemmste hässe verjääte," reep en alde Üll, "verjäät net die Agrarier - fröher saiten se Buure doför - die rongkeröm de Bohm met Chemie versaue. Jans miserabel es dat Kalkstreue op osere Sankbohm. Et düürt alleen drissij Johr on miehr, bes dat van dä Kalk nix mehr do es. Velleds wöre mer all noch ens froh, wenn hei op dä Ejelsberj so af on to nor Kriej jespelld wörde deet! So wie sons Tommies dat denge!" Schruppmanes wollde die aal Üll jrad över de Mongk fahre, do koom soone Fliejer met Jetöse eronger!
Och dat noch! Weg woore se! So schnell kosse net kieke!
KÖEB UUT OEDING
