| 00.00 Uhr

Op Oedinsch
Oedingsch Platt te-eesch

Krefeld. Nau deng mech alde Oeingsche verklickere: "Oedingsch Platt es so alt als wie dä Torel van Babel. Dese Torel hadde de Mensche aanjefange te baue för ose Häerjodd te wiese, dat se öwer dä Torel bes en de Heemel klömme kösse.

Mar dat leet sech ose Häerjodd net jefalle. On wenn de Mensche met öhre Torel en de Nöh van de Hemmelspooert wore, doe deng dä ens effkes die Sprooeke van de Mensche verwirre. Dä Oberpolier wollt jraad sage: "Du fuule Sack, donn ens jett mehr Spies en dä Back."

Mar dä Handlanger verstong bloos Bahnhof. Hä frogde: "Können se mit mich nich babilonisch kallen?" Mar dat verstong dä Polier wier net. Velleits sprooek dä Handlanger nau suaelisch. Kinne Mensch koss nau dä angere verstohn. Mar domet net jenoch. Dä Häerjodd deng ens en bettsche blooese, on nau kragde dä hohe Torel en. Mar dat Blooese mott so stärk jewess sien, dat eene van all die Mensche als wie en Rakeet duur de Loff flog. "On wat mennd ehr, wo dä jelandet es?" Dä alde Oedingsche keek mech janz wies aan: "Du solls et net jlöewe. Dä es akkerat do rongerjekomme, wo hütt os schöne Kerkvan Sinter Pitter steht. On wat mensde, wie hätt dese Mensch wahl jesprooeke?"

Ech sait: "Doch wahl net babylonisch?" "Nä, nä, du Schlaatefix, dä hät al Oedingsch Platt jesprooeke", on dann hätt hä en nette Deens jetraut on möt der enne Stalp Kenger jekreije. Et hät net ärj lang jedüerd on dese Oedingsche Clan hätt nau noe Lenn, Oppem, Bockem, Feschele on Traar et Platt jebraiht. Bloos öm Kreweld selws hant die enne wiede Boog jemäkt. Die wollde doe ehr eeje Platt hann." "On wie soll dese eeschde Oedingsche Platt-Kaller nau jeheete hann?" wollde ech weete. "Du Nasewies, dat es doch wahl klooer: Dä hedden Schmitz!"

KÖEB UUT OEDING

Quelle: RP
Diskussion
Ihre Meinung zum Thema ist gefragt

Schreiben Sie jetzt Ihre Meinung zu:

Op Oedinsch: Oedingsch Platt te-eesch


Beachten Sie dabei bitte unsere Regeln für Leserkommentare.